A. PERSIKAPEN KUBAS KEBAKTIN (Kegiaten ibas lantai I/bawah)Pengendesen Pengantin ibas orang tua nari man Runggun Gereja ilebe-lebe Pintun Gereja

Orang Tua : Kami mewakili kedua orang tua pengantin enda mindo man bandu Runggun Gereja gelah ilakoken kam pemasu-masun perjabun man anak kekelengenta enda. Dage iendesken kami anakta enda man bandu Runggun Gereja.

Runggun Gereja : Kami pe ibas Runggun Gereja meriah ukur kami ngalo-ngalo anak kekelengenta enda duana rikut kam kerina keluarga. Erpengarapen kita gelah Tuhan simasu-masu perjabun anakta enda ras mereken erbage-bage keriahen, tuah, bayak, dame ras kekelengen si simpar. Mari dage bengket kita kubas Rumah Pertoton enda minda pasu-pasu ibas Dibata nari

B. KATA PENARUH KUBAS KEBAKTIN (Kegiaten ibas Ruang Gereja Lantai II; Pandita nggo nimai i Mimbar, salah sada Pertua/Diaken nehken Kata Penaruh i Mimbar Kitik nari)

Mejuah-juah perpulungen Kristus Tuhan……. Perban enggo ersada arih Runggun radu ras keluarga Tarigan Mergana bagepe keluarga Ginting Mergana, maka sendah pulung kita ibas Rumah Pertoton enda lako mindo pemasu-masun Tuhan Dibata nandangi perjabun kekelengenta NISURALI INTARO GAN-GO TARIGAN ras FRISKA NOAYANI ERRINA BR GINTING. Pengarapenta maka arah Kebaktin Pemasu-masun enda reh tangkasna banci sigejapken keleng ate Tuhan si mabai dingen negu-negu perjabun si ipersadaken Tuhan. Si pesikap dage ukurta; si bengketi me Kebaktin Pemasu-masun enda. Guna ngalo-ngalo anakta si atena ngaloken pasu-pasu si itaruhken keluarga, mari ras kita tedis.(Pengantin, keluarga, bagepe perpulungen bengket kubas Gereja iiringi music/solo/tamborin; music terus mengalun seh perpulungen kerina ku inganna)

C. KEBAKTIN1. Votum + Salam

Liturgos:Kebaktin Pemasu-masun Perjabun NISURALI INTARO GAN-GO TARIGAN ras FRISKA NOVAYANI ERRINA BR GINTING SUKA enda ibenaken ibas gelar Dibata Bapa si njadiken manusia, ibas gelar Yesus Kristus si mereken serpang pulah ibas kebenen nari, janah ibas gelar Kesah Sibadia si mpersadaken jabu kalak si erkiniteken.Penampat man bandu reh ibas Jahwe nari si nepa langit ras doni, singkawali perberkat ras permulihndu, genduari nari seh rasa lalap. Amin.

Perpulungen:A… min, a… min, a… min (iendeken)

2. Introitus (alu responsoria)

Liturgos:Enda me pedahKu: “Sikeleng-kelengen min kam bagi Aku engkelengi kam.”

Pengantin:Perbahan kekelengen me, maka enggo kami reh duana, lako mindo pemasu-masun idur Kam nari, Tuhan.

Liturgos:Bagi pasu-pasu Dibata kempak manusia si pemena, maka lalit si ganjang teruhen subuk man si dilaki bagepe si diberu ibas ia duana ngaloken pasu-pasu.

Pengantin:I teruh pasu-pasuNdu e me ate kami ersada guna bengket ku bas kegeluhen si mbaru.

Liturgos:Dage pedahKu man bandu: “Maka arus itadingkenndu kengudanndu gelah pasu-pasuKu e tuhu-tuhu tergejap man bandu.”

Liturgos + Perpulungen:Meriahkal ukur kami kerina. Bengketlah kam duana kubas kegeluhen si mbaru e. Janah tetaplah erpengendes man Tuhan Dibata, nggeluhlah kam erpalasken kekelengen Kristus, sebab IA me sumbul kekelengen si rasa lalap si la erkeri-kerin.

3. Rende PEE No.85:1 – 3

Kerina: Man baNdu Yesus Tuhanku, kuendesken geluhkuNggeluh sikeleng-kelengen, nggit sisampat-sampatenReff : Erbuah kata nisuan, bas kita anak Tuhan

Erbuah kata nisuan, bas kita anak TuhanDilaki: Nggeluh sitatang-tatangen, kita radu megegeh

Nggit kita ngalemi salah, pusuh dame meriahKerina: Reff: ……..Diberu: Mediate ras mesayang, sim’uli ula sungsang

Tetat siajar-ajaren, la sitogan-toganenKerina: Reff: …..

4. Koor/Pujian : - Runggun GBKP Cisalak (Perpulungen Kundul)- Permata GBKP Cisalak

5. Pujin man Dibata (alu responsoria)

Liturgos:

Kupindoken man Dibata gelah ibas kinibayakenNa si la ersibar nari iberekenNa man bandu arah kesahNa guna mpegegehi pusuh peratenndu.

Pengantin:Janah gelah Kristus ringan ibas pusuh kami erdandanken tek kami man baNa.

Liturgos:Ertoto aku gelah kam rurat dingen erpalas ibas keleng ateNa.

Perpulungen:Gelah raduken kerina anak-anak Dibata ngasup kami ngangkai kuga belangna, kuga gedangna, ras kuga bagesna keleng ate Kristus e.

Pengantin:Seh maka kami idemi alu biak Dibata si serta e.

Orang tua Pengantin:Cidahkenlah biak nggeluh jabu kalak Kristen, si man usihen kalak si deban. Gelah alu bage, malem ate kami orang tuandu, sebab bageme si ngena ate Tuhan, si patut ibahan, maka terpuji tetap gelar Dibata ibas jabundu.

Liturgos:Pujin man Dibata, si ngasup erbahan kai pe alu kuasaNa, ndauh belinen asangken kita mindosa, ntahpe ngukurisa, si paksa enda sangana erdahin ibas kita.

Liturgos+ Perpulungen:Kemulian man baNa ibas perpulungen ras ibas Kristus Yesus rasa lalap seh rasa lalap, Amin.

6. Koor/Pujian: - Kel Tarigan (“ O Dibatangku”)- Kel Tarigan Junior (“Kekelengen”)

7. Pengogen Kata Dibata si Pemena (.. : ..)

Liturgos:Ketuahen kalak si megiken Kata Dibata dingen si makekenca ibas geluhna si tetp-tep wari. Haleluya.

Perpulungen:Haleluya …. Haleluya ….. Haleluya …… (iendeken)

8. Koor/Pujian: - Kel Ginting ras Anak Beru (“Bersyukur”)- Kel Ginting (“Masmur”)

9. Khotbah: a. Pertoton sope khotbah

b. Khotbahc. Pertoton kenca Khotbah

10. Pengakun Kiniteken (Perpulungen Tedis)Liturgos :

Marilah siakuken kinitekenta rikutken kerina kalak Kristen i babo doni enda. Ninta dage ..

Lit + Perpulungen:

Aku tek man Dibata Bapa si la ersibar kuasaNa, sinepa langit ras doni, …… dst

11. Koor/Pujian: - 12. Nehken Persembahen

Persinget kerna persembahen:“Kalak si mpersembahken pengataken bujur, ia nge kap si pehaga Aku, janah kalak si perdalanenna la erpandangen, Kucidahken kesangapen ni Dibata.”

Tupung si sehken persembahenta renda kita ibas PEE No.37: 1 ---

1. Ajar aku o Tuhanku, make kata ras pedahNduKueteh payo ras sentudu, kuikutken bas geluhkuReff : Singikut pedah Dibata, daten me kerembakenNa

Pedah kata tangkas k’rina, em jadi gelementa

2. Tatat aku genduari, arah dalan si mehuliLalap min Kam kutimai, gelah aku iapuli Reff: ………………………..

3. Kekelengen ni Dibata, la ersibar she man bantaAnem gia papak kita, dalin jera tuduhkenNaReff: ……………………………

4. Kalak si tegu Dibata, em si lembab kin ukurnaMan si nembah rusur baNa, ukur ajarkenNa bantaReff: ………………………….

5. Mata, ukur nare baNa, gelah peratenNa siangkaAdi g’luhta ekep-kepNa, tentu malem kal atetaReff: …………………..

13. Koor/Pujian:14. Nehken Pemasu-masun man si erjabu (Pengantin Tedis, Pandita nusur mimbar nari)

a. Pandita nehken erti, palas, ras tujun Perjabun Kristenb. Padan si erjabu

Pengantin si Dilaki:

Aku “Nisurali Intaro Gan-go Tarigan” ngaloken kam si Friska Novayani Errina Br Ginting jadi ndeharangku. Aku erpadan tetap ngaloken kam subuk ibas paksa susah entahpe paksa senang, subuk ibas paksa sakit entahpe paksa sehat, subuk ibas paksa ceda ate bagepe paksa meriah ukur. Aku erpadan njaga kebadian perjabunta seh Dibata nirangken kita alu kematen.

Pengantin si Diberu:

Aku “Friska Novayani Errina Br Ginting” ngaloken kam si Nisurali Intaro Gan-go Tarigan jadi perbulangenku. Aku erpadan tetap ngaloken kam subuk ibas paksa susah entahpe paksa senang. Subuk ibas paksa sakit entahpe paksa sehat, subuk ibas paksa ceda ate bagepe paksa meriah ukur. Aku erpadan njaga kebadian perjabunta seh Dibata nirangken kita alu kematen.

c. Pengantin Ngaloken Pemasu-masun

Liturgos:Erjimpuh dage kam, janah aloken pemasu-masun idur Dibata nari:IPASU-PASU JANAH IKAWALI DIBATA KAM, SIANG AYO DIBATA ERSINALSAL IBABONDU, JANAH MELIAS ATENA NGENEHEN KAM, ITATAP DIBATA KU KAM, JANAH MALEM ATENDU IBAHANNA. AMIN

d. Rende KEE No.124 : 1,2

Kerina : Ipasu-pasu Tuhan Dibatandu O kam si empo kam si tersereh

Diberu : Bahanlah Tuhan Yesus man tem’uendu Lah sura-sura si mehuli seh

Dilaki : Bre IA min si njujurken jabundu Gegeh ras ukur pe ras peraten

Kerina : Lah kekelengen ibas kam pekepar La lesap pe seh nirang kematen

Diberu : Senang me kap sierjabu sada arih Pehaga Tuhan peratenna ras Mehuli kal di ise pa la dalih Berkat ku minggu lah ertoto ras

Kerina : Di kebiaken gel-gel banci salih Di pengerana reh hamatna pe Bas kehamaten labo ‘rdalih-dalih Ipau-pasu Tuhan me kepe

e. Ertoto guna Jabu Simbaru

15. Makeken/Mereken Cincin

Liturgos:Cincin hanya tanda, tapi tanda e perlu gelah ija kam lupa, iingetken; ija kam monce-once, ipetetap; ija kam papak, tehndu dalan mulih. Dage pakeken cincin enda, kenca e belasken sora pusuhndu.

Nisurali Intaro Gan-go Tarigan: (dung makeken cincin ngerana ia)Cincin enda tanda iketen si kupakeken ku jari manisndu. Cincin enda lalit ujungna nandaken KEKELENGENKU man bandu la erujung la ersibar. Cincin enda me tandana kualoken kam jadi RUDANG ras jadi SI NDEHERNA kal ibas kegeluhenku.

Friska Novayani Errina Br. Ginting: (dung makeken cincin ngerana ia)Cincin enda tanda iketen si kupakeken ku jari manisndu. Cincin enda lalit ujungna nandaken KEHAMATENKU man bandu la erujung la ersibar. Cincin enda me tandana kualoken kam jadi IMAM ras jadi SIMEHAMAT ibas kegeluhenku.

(Kenca dung makeken cincin, Pengantin sitatapen dingan sisalamen seh Pandita dung ngogeken Roma 15:3)

Liturgos:“Dibata sumbul pengarapen, IA-lah ndemi kam alu keriahen ras kemalemen ate, erpalasken kinitekenndu man Tuhan, gelah erkiteken gegeh Kesah Si Badia reh tambahna pengarapenndu man Tuhan.”

(Kenca dung iogeken Pandita, Pengantin mulihken ku inganna kundul, Pandita mulih mimbar)

16. Koor/Pijian :- Moria Runggun GBKP Cisalak (“Ndehara si Cerdik”)- Moria se GBKP

17. Nehken Persembahen khusus ku lebe (urutenna: 1. Pengantin 2. Orang tua Pengantin 3. Keluarga ras PerpulungenGelah ula si tumburen: ku lebe arah gang tengah, mulih arah gang pingir)Rende PEE No.36: 1, 3, 4

1. Si njabuken bana ndatken pasu-pasuBas Dibata nari e min arapkennduKata Tuhan Yesus, nggeluh ibas jabuTerangiNa pusuh malem me atenduReff: Siajar-ajaren radu ras sikeleng-kelengen

Sisampat-sampaten, sada ukur maba kegeluhenTengah-tengah jabu, Tuhan Yesus jadi persuruhenGelah min pepagi, perjabunndu banci man usihen

2. …3. Ndehara si pantas lit ukurna saber

Lit gia perbeben la ukurna moncePerkeleng atena terus kapen malerRas perbulangenna nggeluh ibas dameReff : …………………..

4. Adina Dibata enggo masu-masuSi engkawalisa ibas perjabunPerdalinen nggeluh malem kal atenduRembak ras Dibata la kam kemalun.Reff : ………..

18. Koor/Pujian:19. Pertoton Syafaat20. Rende PEE No.95 : 1,2,3 (Perpulungen Tedis)

1. O Tuhanku Kam me permakanku; E maka la kekurangen akuKu mbalmbal m’ratah aku babaNdu; ipesenang-senangNdu geluhkuReff: Permakanku si njaya geluhku malem ateku senang tuhu

KelengNdu tetap maler man bangku; Kam me Tuhanku Permakanku

2. IteguNdu kempak lau si maler; ibahanNdu ateku nggo malemEmaka tedeh ate tendingku; Kempak keg’luhen si sikapkenNduReff: ……..

3. Amin aku bas kelbung si gelap; Arapenku man Tuhan e tetapLanai mbiar ndalani geluh e; Sabab Tuhan e temanku jineReff : ………

21. Pertoton Tuhan22. Pemasu-masun

Liturgos:Mulihlah alu dame rasmejuah-juah, alokenlah pasu-pasu idur Dibata nari:“DIBATA SIMADA PERKUAH ATE SI ENGGO NENAHKEN KAM KU KEMULIANNA SI RASA LALAP IBAS KRISTUS, NJADIKEN KAM SERTA, TETAP, MEGEGEH DINGEN PAGUH. IA NGE SIMADA KUASA NAI-NAI NARI, GENDUARI, SEH RASA LALAP. AMIN.

Perpulungen:A…min ….a...min …… a…min … (iendeken)

23. Si Naruh notoken Pandita ras kerina si ertugas.24. Runggun/Pemandu mengambil alih acara (Perpulungen Kundul)

ACARA KENCA DUNG KEBAKTIN

1. Runggun ngucapken “Selamat” dingen ngendesken Surat Pasu-Pasu ras Luah man Pengantin

2. Keluarga Ermomo (sada si mewakili kel Tarigan, sada mewakili kel Ginting; radu kulebe)

3. Acara Foto:

(untuk ketertiben ras hemat waktu iharapken gelah uruten si berikutna langsung ersikap)a. Pengantin ras Pertua Diakenb. Pengantin ras Permatac. Pengantin ras Moriad. Pengantin ras Mamree. Pengantin ras Panditaf. Pengantin, Pandita ras Orang Tua kedua Pengantin

Cataten : ACARA FOTO PENGANTIN RAS KELUARGA ILAKOKEN SOPE KEBAKTIN.

4. Pandita ras Pengantin idampingi kedua orang tua nusur i ruang kebaktin nari ku tangga teruh

5. Perpulungen nalami Pandita ras Pengantin idampingi kedua orang tua i tangga teruh6. Pengantin, keluarga ras perpulungen nadingken Ruang Kebaktin