THALAI ENTU - 27.12.2015

7/23/2019 THALAI ENTU - 27.12.2015

http://slidepdf.com/reader/full/thalai-entu-27122015 1/4

RAWNGBAWL TURA CHHANDAM

Vol. XXVIII Issue No.54 |HALAI ENTU WEEKLY PHEK 1-NA 27th December, 2015

KRISTIAN |HALAI PAWL THILTUMTE :

1. Isua Krista rinna leh Amah anna kawnga |halaite hruai 3. Kohhran hnathawh tihpuitlin2. Kohhran kutk> ni t<ra |halaite buatsaih 4. Krista chanchin\ha puandarh

KTP website : cwbktp.in

E-mail : [email protected]

Kristian|halai Pawl : Chanmari West Branch

Estd :1988

P u b l i s h e d b y t h e K r i s t i a n | h a l a i P a w l : C h a n m a r i W e s t B r a n c h C o p i e s 550

“Hunte an inher liam zel a, Aw kathlarau, inpeih thuai la; Chu chatuanral thei lovah chuan, I tan hmun alaawm e.”

- Upa Rokunga (KHB 554)

KRISMAS THILPEK ROPUI BER - Rev. Vanlalzuata

“Kan tan naupang a lo piang a, fapa pekin kan awm ta a”

(Isaia 9:6)Kan thupui sawi tur hi Krismas thilpek ropui ber, “Fapa pekin kan awm ta,” tih a ni a. He \awngkam hi zawlnei Isaia\awngkam, Lal Isua pian tur hrilhlawknaa ngaih a ni a. A lo \o chhuahna rilzia leh makzia hi mihring \awnga sawi fiah zawhrual a ni lo va, sawi loh theih lah a ni hek lo. Hetiang hian i lo thlir ho ang u :

1. Chhinchhiahna pasariha chhinchhiah: Eden bawhchhiatna avangin Pathian leh mihring chu kan in\hen tawh a.Eden huana kan luh theih tawh lohna turin nunna thing chu mei khandaih vir tawn zawk zawka ven a ni a. Thupuan bung 5-8 thute hi Lal Isua pian a\anga a thih inkar huapa sawi theih ni mah se, a pianna lamah bel ta ila : Lehkhabu pakhat, a chhunglam leh pawn lama ziak, chhinchhiahna pasariha chhinchhiah tlat chu lalthutphaha thu chuan a kut ding lamin an keng a. “Tunge lehkhabu hi hawnga a chhinchhiahnate phelh tlak awm?” tiin vantirhkoh chu aw ring takin a au lauh lauh mai a. Vanahte, leiah te, lei hnuaiahte chuan lehkhabu chu hawnga a chhinchhiahnate phelh tlak tumah an hmu zo lo va. Hei hi eng nge aawmzia ni ang? Mihringte sualna avangin Pathian nena kan inkarah indaidanna bang pui a awm a, chumi tikiang thei chutumah an awm lo tihna a ni âwm e. A hmutu Johana chu a \ap ta zawih zawih a.

2. Thu lawmawm a lo thleng ta : Suala tlu tawh mihringte chhandam turin vanah an zawng a, an hmu zo lo va, leiahleh lei hnuai thlengin an luh chilh tawh a, an hmu zo lo. Nakinah chuan ennawm mak tak mai a lo lang ta! Upa zinga pakhat

chuan Johana hnenah, “Tap suh, ngai teh, Sakeibaknei, Juda hnama mi, Davida Bulpui khan lehkhabu chu hawng tur leh achhinchhiahna phelh turin a hneh ta,” a rawn ti a. Van ropuina hlipin Lal Isua chuan lei hmun tlawm ber a rawn luhchilh a,kraws-ah hma a rawn chhuah a.

3. Ennawm mak thar a lo lang : Beram No inpekna chu zahna hlanin Thilnung palite leh Upa 24-te chuan anlallukhum phawkin a hmaah an bawkkhup a, “Nang lehkhabu chu la a, a chhinchhiahnate phelh tlak i ni e...” tiin ruah thamloh hla thar an sa a. Johana chuan ennawm mak thar lo lang zel tur chu a thlir reng a. Vantirhkoh a singa sing tam takte chuanaw ring takin, “Beram No talh tawha hi Thiltihtheihna te, hausakna te, finna te, chakna te, ropuina te, chawimawina te,malsawmna te hmu tlak a ni e,” tiin hla mawi ropui an rawn rem a. Chumi zawhah chuan van leh lei chung leh hnuai lehtuifinriata thil siam tinrengte chuan, “Lal\hutphaha \hu leh Beram No hnenah chuan malsawmna te, chawimawina te, ropuinate, rorelna te, chatuanin awm rawh se,” tiin an au rual a. Thilnung palite chuan, “Amen Amen,” tiin an lo chhawn a, Upate pawh chuan bawkkhupin chibai an buk a.

K|P INKHAWM PROGRAMME

K|P |AWNG|AI INKHAWMPROGRAMME

Ni 27.12.2015 (Pathianni)Hruaitu : Pu J.K. Zosangliana,

Johana Gr. Comt. Member |antu : Tv.Lalrinngheta, Matthaia Gr.

Ni 28.12. 2015 (Thawh\an zan)KUMTAWP INKHAWM

Hruaitu : T/Upa Lalrinawma,Branch Assistant Leader

Tantu : Nl.R.Lalhriatkimi,Matthaia Gr. Comt. Member

Member boral sunna hun hman

Lawmpuina & Ngaihhruina pek - Branch Secretary

Sermon : Upa Dr.Lalramliana,Branch Leader

Inkhawm banah thingpui leh a hmeh aawm ang.

Hlaphuahtuin “Ennawm mak thar a lang zel ang a thuk si,” a tihang khan Johana chuan Beram Novin chhinchhiahna pakhat phelha\anga pasarih phelh lai chu a thlir reng a. Lal Isuan chhinchhiahna pasarihna a han phelh lai phei chuanvan miten mak an ti lutuk a, ri rengreng awm lovin dar chanve lai chuvan a reh \hup mai a. Van mitenKrismas an hman dan hi kan thlir chuan – lawmna leh mak tihna ainkawp a, lei mite duhsakna leh uinaa inkawp a, aw ring taka hla sak leh ngawih thup a inbelhbawm bawk a ni. An tihtakna hmel hi Krismas

hmel leh awmzia tar lanna a ni.4. Zawlneite hnenah puana ni : Pa Pathianin a Fapa lei mitea pek tur thu hi chawpchilha lothleng thut a ni lo va, zawlneitehnenah khan vawi za chuang a lohrilh tawh a. Zawlneite kaa Lal Isuachungchang hrilhlawkna thute hivawi zahnih chuang a lang a ni.Zawlnei Mika chuan Isua pian hmakum 750 velah khan BethlehemaIsua a pian tur thu te, vuak lehchilchhak a tuar tur thute a lo sawilawk tawh a (Mika 5:1,2). Zawlnei

Zakaria chuan Isua chu sabengtungchunga a chuan tur thu te, tangka

30-a an hralh tur thu te, a man chu belvawtu ta tur a nihzia te, a zirtirtenan phatsan tur thu te, a nâka feia anchhun tur thute a lo sawi lawk a (Zak.9:9; 11: 7,12,13; 12:10). ZawlneiHosea chuan Aigupta rama a tlan botur thu a lo sawi lawk bawk a (Hos.11:1). Zawlnei Isaia chuan Isua chunula thianghlimin a pai tur thu te, ahming tur te, amah hektute hmaa angawih reng tur thu te, misualte nenatuar tlang tur a nih thu te, a tiduhdahtutetana a \awng\ai tur thu te, mi hausathlana an zalh tur thute a lo hrilhlawk a(Isa. 7:14, 53:7,9,12)

Bethlehema a pian tur

chungchangah hian Isua chauh lo pawh Bethlehema piang tur chu antam ang tiin khawvel mite chuan midang chungah bel an tum \hin.Chutiang chu tam mah se, pian hlimaAigupta rama tlan bopui leh \angka30-a hralh a ni ve em, tih chu zawhna pawimawh a ni ang. Chutiang chuBethlehema mihring piang tawh zingah pakhat sawi tur awm sela, a nih leh ahralhna manin belvawtu hmun an leive em? Vuak, chilchhak leh feia chhuna ni ve em? Mi hausa thlanah an phumve em? Hengte hi mi dang chunga

thleng ve zel thei a niin a lang lo.(Phek 2-naah chhunzawm a ni)

7/23/2019 THALAI ENTU - 27.12.2015


Vol. XXVIII Issue No. 54 |HALAI ENTU WEEKLY PHEK 2-NA 27th December, 2015


E d i t o r i a l o a r d

Editor : Pu F. Lalrinzuala 9862364966

Jt.Editor : Tv. David Lalramnghaka 9862385781

News Editors : Tv. Jonathan Lalsangliana 9612105659

Tv. Vanlalremliana 8257881767

Tv. V. Lalchuangkima 9862771049

Circulation Managers :

Tv. Lalnuntluanga 9856115261

Tv. R. Lalhmingliana 8974724300

Tv. V. Lalrinpuia 9089041660

Tv. Zodinsanga 9612516392

Pawimawh Thenkhat

Biak In 2348035Kohhran Chairman 9612744318Kohhran Secretary 9436152841Kristian |halai Pawl Leader 9862405274Kristian |halai Pawl Asst. Leader 9436152297Kristian |halai Pawl Secretary 9862857357Kristian |halai Pawl Asst. Secretary 9774208368Kristian |halai Pawl Treasurer 9856827410Kristian |halai Pawl Fin. Secy 9862364805Kohhran Hmeichhe Chairman 8974966167Kohhran Hmeichhe Secretary 9612190783Kohhran Pavalai Pawl Chairman 9774946344Kohhran Pavalai Pawl Secretary 9862387029

BRANCH THUTHAR Ni 21.12.2015 (Thawh\an) zan khan Teenage Night

hlawhtling taka hman a ni a, mi 257 inkhawmin, thawhlawm pawh Rs. 3005/- a ni a, mi pakhatin Rs.11.69 thawh ang ani. Inkhawm banah thingpui leh a hmeh tuihnai tak chanho ani bawk. Ni 21.12.2015 (Thawh\an) zan inkhawm ban khan vengchhung hmun hrang hrangah kal kualin Krismas Carolhlimawm tak neih a ni a, mi 130 chuang zetin he hun hi anhmang thei a, he mi rual hian damlo kanna leh krismaschibaibukna veng chhunga mi 9 hnenah hlan a ni a, naupangvannei mi 10 hnenah thilpek hlan a ni bawk. Ni 24.12.2015 (Ningani) nileng khan Krismas inbuatsaihnaatan Biak inah hnatlang koh a ni a, member hawkchhuak an\hahnem hle. Ni 30.12.2015 (Nilai) chawhnu dar 2:00-ah Branch K|P

kumtawp Committee a \hu dawn a, Branch hruatutenngaipawimawh \heuh ang u.

Kumin chhunga kan chanchin-bu chhuah hnuhnung ber chu kan lo tichhuak leh ta der mai! Kumin chhungachhiartute min puihna leh duhsakna te, \hahnemngai takakan chanchinbu semtute inpekna avangin tluang takin

kan chanchinbu a kal a. Kumin chhungah hian eng emawrokhawlhna avanga tihchhuah theih loh kan nei loringawt pawh hi a lawmawm hle mai.

Kohhran mipuiten he chanchinbu pawimawhna tekan hre tlang a. Kar tin copy 600 kan her tir \hin. Aenkawltu nih pawh a nuam hle. He kan chanchinbu hikan thlarau nun chawm thei tur leh Kohhran leh a hnuaia Pawl hrang hrangte hmalakna pawimawh kan hriatnaleh Kohhran mipuite kan inpawhna \ha tak a ni tih hi ihre zel teh ang u.

Kumthar kan chuang kai ang a, a enkawltu tur pawhmithar ruat an ni ngei ang. A chhiartu, kan chanchinbulo la \hin zawng zawng ten he kan chanchinbu hi in lolak leh ngei kan beisei tlat a ni. Kumthar a nih angin,chhiartute hnen lam a\angin tun aia in lo hlut a,inthlahrung hauh lova articles a ni emaw, news a ni emaw,chhuah turin in rawn thawh \hin ngei kan beisei a ni.

Thawhhona \ha tak kan neih chuan tun ai hian kanrawngbawlna pawhin hma a sawn nasa lehzual ngeiang.Thalai Entu chhiartu zawng zawng te Kumthar hlimleh lawm taka in hman ngei theih nan duhsakna kanhlan a che u.

(Phek 1-na chhunzawmna)Thuthlung Thar kan chhiar chuan, “Zawlneite hrilhlawk khaa lo thlen theih nan,” tih kan hmu fo mai.

Zawlneiten an hrilh lawk lai hian a hun laia mite chuandawt muhlumah pawh ngai sela an thiamawm tho mai.

Nimahsela a hun laia mite an thih zawh vek hnuah, an thlanah pawh arsi ek a kai \hat tawh hnuah, a hun takah anhrilhlawkna thu hi a lo thleng dik ta si a. Hrilhlawkna kumzahnih chuang daih, a kim biaia Lal Isua chunga lo thleng hi amak a, Pathian thu hi a rintlakzia a tilang a, khawvel mitehriat ve loh, kan Pa ram thil a ni. “Pathian thil rel dan hi a vamak em ! hriat phak rual loh a ni.

5. Leiah a lo piang van Lalbera chu : Lei mitenKrismas rim kan hriat hma daih khan van mipuite chuanKrismas hi urhsun takin, mak takin, bawkkhup chungin anlo hmang tawh a. Aw ring takin Beram No zahna hla thar anrem a, a chang leh Beram No inpekna chu mak tiin dar chanvelai an reh thuap bawk a. Chu thu lawmawm chu zawlneitehnenah hriattir an ni a, Isua pian hma kum 700 zet kal taah

khan Isaia chuan, “Kan tan naupang a lo piang a, fapa pekinkan awm ta a,” tiin a lo sawi lawk a.A hun bi a lo kim ta. Chumi zan reh takah chuan, thlasik

vur daifim hnuaiah Lal Isua chu ranthlenga a rawn mut zankhan, vana miho mipuite chu Bethlehem daiah an lo pungkhawm a, “Chungnung berah Pathian ropui takin awm rawhse, lei chunga a lawm em em mihringte hnenah rem thu lengrawh se,” tiin lei mite hnenah duhsakna sang ber (Shalom)an rawn hlan a.

6. Fapa pekin kan awm ta : Chutichuan, “Fapa pekinkan awm ta,” tih hi a sawi awl hle mah se, a lo \o chhuahnaerawh chu a ril hle. Pa Pathian hmangaihna chuan kan inkaraindaidanna bang a rawn su chim a, chhinchhiahna pasarihtea rawn nuai bo va, Sinai tlang Dan thuthlung chu khawngaihna

thuthlungin a rawn thlakthleng a, Dan chuan Lal Isua chukawng lai kianin kawng sir a chuh rawk rawk a. Hmun tlawm ber Bethlehem ranthleng chu a rawn chawimawi a, puithiamteleh lal leh zawlneite Office chu a rawn luahlan a, mi sualten pheichham an man a, mi retheiten thang an chhuah a, tlangtenawm ber Kalvari tlang chu tlang ngainatawm berah a rawnletling a. Lal Isua hmaah chuan mi bawlhhlawh sil fai an ni a,thianghlima inngaiten an bawlhhlawhzia an hre thung thin.

He thilpek ropui ber hi a dawn dan dikin kan dawngem? Mi retheiten an dawn chuan hausakna a ni a, natnatuarten an dawn fuh chuan damna a ni a, chapoten an dawnchuan tlawmna puan an sin a, mi duhamten an dawn fuhchuan thilphal an zir thin. Kumin chhunga lusun chhungkuate pawhin he hun hi hnung lam ngaihna hun atan i hmang ral lovang u. He thilpek ropui hi la ila, thihna en lovin nunna kanen ang a, thlan lam hawi khan thawhlehna lam a hawi ang a,hnuai lam entuin chung lam a thlir ang a, hun kal ta thliralunglengten hmangaihna thar zel tur lam an thlir ang a, chutahchuan kan duh tak kal tate chu van ropuina hain an hmel kanhmu thei ang.

Krismas dawnin thilpek (present) kan inthawn \hin a;thian nei tam deuhte phei chuan Krismas Card an tar tlar dulthin a. Hengte hi sawi nepna ni lovin, mi dangte hnen atangathilpek dawng teuhtute hian Krismas thilpek ropui ber, ‘Fapa pekin kan awm ta’ tih hi kan dawng lo palh hlauh vang e. Hethilpek dawngte chuan, “Van Lalreng, ro- pialral lunghlu kachhar ta,” tiin ro hlu ber chhar hmel an pu a. Chu thilpek chuan bangah tar mawi lovin, an nunah an tar mawi \hin. Fapa pekin kan awm ta, Amen.

KEIMAHNI Kumin atana kan Chanch inbu chhuah

hnuhnung ber a lo ni ta a, chhiartute indawhtheihna leh in mi fuihna zawng zawngah kanlawm em em a. Kan thuchhuah chhiar nuam lotak leh chhut sual tam tak te pawh sawisel hauhlova lo chhiartute hnenah kan lawm hle. Kuminchhung atana kan hnathawh chu a lo zo ta a,chhiartute kum thar hlim leh lawm taka in hmantheih nan duhsakna kan hlan che u in, hechanchinbu lo la enkawl leh zel turte hnenah

duhsakna kan hlan nghal bawk e.

7/23/2019 THALAI ENTU - 27.12.2015


K|P THIL TUMTE:



GROUP AUDIT REPORT

Dt. 09.12.2015 khan Group hrang hrang sum hmuh lehhmanna audit a ni a, audit report tlangpui hetiang hi a ni e :-Matthaia GroupSum hmuh zawng zawng Rs. 50,987.00Hman zawng zawng Rs. 44,630.00

Balance Rs. 6,357.00Marka GroupSum hmuh zawng zawng Rs. 40,874.00Hman zawng zawng Rs. 31,880.00Balance Rs. 8,994.00Luka GroupSum hmuh zawng zawng Rs. 70,081.00Hman zawng zawng Rs. 66,717.00Balance Rs. 3,364.00Johana GroupSum hmuh zawng zawng Rs. 50,542.00Hman zawng zawng Rs. 41,002.00Balance Rs. 9,540.00Group Sum hmuh zawng zawng Rs. 2,12,484.50Group Sum hman zawng zawng Rs. 1,84,229.50Group sum hman bang Rs. 28,255.00

Kumin chhungin kan hohhranah harhna a thlen avanginK|P bila chet chhuahna leh Group hmalakna pawh kumdang aiin a tlem zawk a, sumtuakna lamah pawh kum dangaiin hmalakna leh hnatlang pawh a tlem hle. Chuti chung pawhin\awng\aina chhang \hintu chuan kan dilna leh mamawhte hriaiinGroup hruaitu \ha tak takte hmalakna leh memberte inpeknaavanga Pathian malsawmna kan dawn zawng zawngah hianlawmthu i sawi mawlh mawlh ang u.

Krismas Carol thlalak \henkhat

KUM THAR HLIM TAKINTuisik lem sual hlek pawha thi mai thei khawpa kan nun a

derthawn laiin Krismas kan hmang zova, tam tak chu kum2016 lo thleng mai tur atana kan inbuatsaih leh mai thei ta hi alawmawm hle mai. He kum thar lo thleng tur atan hian engang takin nge kan inbuatsaih ngaihtuah nawn fo ang u. Hnam

fing zawkte chuan kum thar atan hian an inbuatsaih ulukin hun pawh an hmang fimkhur hle \hin a ni.Mihring changkan leh changkan lohte, hun lo kal zel atana

mimal nunphung leh hmasawnna-te, kum thar kan hmuah danhian min kaihrujaiin mi min hmuh dan piah lam bakah kanmimal nun her danglamtu a nih theih avangin kristiante chuankan ghmang fimkhurin inchhirna tur awm lova hmuah \heuh itum ang u. Mi tam tak chuan kum hlui thlah turin kum tluanakan lo insum theih leh insum \ang \ang, sual lam hawi tih nanhmangin, kum thar niah kan indawmkun leh bur \hin a, a pawihle a ni. Kum tluana \ha taka kan insum leh kan tih duh lohkha zan khat lekah engatinge kan inthlahdah leh mai \hin, sualhnathawh vang a ni \hin. Kum tluana i insum theih chu kumthar

zanah pawh i insum thei ngei ang. I tlukna tur lam chu hnaih longam la i hlim zawk ang.Tupawh hian a va \ha lo e aw kan ti \heuh va, kawng

dang \ha zawk leh chhinchhiahtlak zawka kum hlui thlah a,kum thar hmuah dan a awm tehreng nen halpuah kan la halchiam \hinte hian kan lawm zawng la hniam zia leh a haltudinhmun leh nun phung hniamzia a lantir mai zawk a ni. Hriselnaa tichhia a, harsatna a thlen a, sum kan khawhral bawk. Hetiangtaka kum thar i lo hmuah hian thil thar \ha tak a thlen phah beisei tur a tam lovang. Halpuah lakah hma i sawn nan fihlimtum a \ha hle mai.

Hmeichhiat mipat hman sualna hun a ni duh phian mai niina lang. Hei pawh hian kum thar tukah emaw kum thar lo her

chhuak zelah hlimna leh malsawmna a pe thei lo viau ang che.Lungngaihna, mittui tlakna leh mi hmuhsit leh entleu nihna mai bak a hlawh chhuahtir lo fo. Mi fing leh huaisen tan tlanchhiatsanngam a \ul hle \hin.

Mi fel leh \ha, sual dai ngam lo leh hmuingil takten ruihtheih thil tihna hunah kan hmang fo mai. Ruih theih thil lo ti ve\hinte lahin a zual zawka tih hun emaw an ti bawk. Hetianghun hmangtute tan hian kum thar hi kum thar lawmawmah achang duh lo khawp mai. Kumhlui ngaiin an kun duh viau.Kum thar malsawmna dawng tlak turin inngaihtujah phawt latichuan kum hlui thlah tur leh kum thar hmuak turin i inbuatsaihang u. Kan hma lawkah kum thar a rawn inherchhuak dawn a,hlim tak leh lawm taka lo hmuak tur leh malsawmna dawng tlak

turin hun hman tum ang u. Kum thar lo thleng turah thinrim lehinchhirna awm lo turin changkang takin urlawk \heuh ang u.

CHRISTMAS PRESENT(NAUPANG PUAL)

|um khat Christmas ni lo thlengah chuan Mary techh<ngkua chu an hlim dar dar hle a. A nu leh pate chuanchh<ngkaw zingah Christmas Present an sem a. Mary chuanPresent B^wm pahnih a dawng a, l^wm takin a hawng a.Pakhatah chuan naute lem a lo awm a, pakhat lehah chuaninkhualtelemna thil a awm a. Mary l^wm lutuk chuan a nu akuah chung chung a, “Ka l^wm mang e, ka \hianten an awtve ngawt ang,” a ti a.

A nu chuan a malchungah a pawm a, “I present dawnahhian khawi hi nge i duh zawk?” a ti a. Mary chuan, “Nautelem hi ka duh zawk deuh,” a ti a. A nu chuan, “Kei chu kaPresent duh ber chu Lal Isua a ni asin, tuna Present ka dawnzawng zawng hi ka duh vek tho va, mahse, Present ka dawna\ha ka tih ber chu Pathianin Lal Isua chu min chhandam turamin p>k hi a ni,” a ti a. Mary chuan, “Nih chu a ni viau va,mahse, Pathianin Isua a p>kna che chu a rei tawh >m al^wm,”a ti a. “ A dik chiah, Pathianin Isua min p>kna chu a rei tawh,mahse ni tin a tharin min la pe reng al^wm. Hm^na mi khatunah pawh a la danglam chuang lo va. Nunna min petu leh nitina min hruaitu a ni a. Present ropui leh hlu ber a ni asin!Pathian-in Present hlu ber Isua min p>k hi hre chiang lo l>ka present danga kan buai \hin hi \ha ka ti lo ngawt asin !” a nuchuan a ti a. Mary chuan, “E, kei pawh ka present dawn \ha ber chu Isua a ni tih ka hre ta, ka va l^wm >m!” a ti ve ta a.

7/23/2019 THALAI ENTU - 27.12.2015


K|P THIL TUMTE:



KOHHRAN INKHAWM HUN RUATNovember 27.12.2015-02.01.2016 Inkhawm

Ni 27.12.2015 (Pathianni) Sunday School|antu : Pi RemzoviSunday School kal kim lawmman sem.

Ni 27.12.2015 (Pathianni) Chawhnu

|antu : Pi ThanchungnungiThuhriltu : Pu T.S. Luaia

Ni 27.12.2015 (Pathianni) ZanThuhriltu : Upa LalrinawmaPathian ram ip leh building fund lak khawm a ni ang.

Ni 31.12.2015(Ninga) ZanKUMHLUI THLAH ZANChairman : Upa Zomuana, Vice ChairmanKohhran Report : Kohhran SecretarySunna : Kum 2015 chhunga member thite sunnaZaipawl : Kohhran Zaipawl

Ni 01.01.2016 (Zirtawp)KUMTHAR NI (Dar 11:00 A.M)Chairman : Pastor F. Lalchhuanmawia|antu : Pu K. ThanzauvaThupui : Kumtharah - Nun thara nun.Chhiar tur : Rom 6:4Sawitu : Upa VanlalberaZaipawl : Kohhran hmeichhe Group Zaipawl

Ni 01.01.2016 (Zirtawp) ChawhnuKOHHRAN LENKHAWM PUIHruaitu : T. Upa Lalthankima

Ni 01.01.2016 (Zirtawp) ZanChairman : Upa P.C.PakungaThupui : Kumtharah - Thlarau dan thara rawngbawlSawitu : Upa Dr. LalramlianaZaipawl : Kohhran Zaipawl

ZAI HRUAITU TURTENi 28.12.2015 - 03.01.2016(Thawh\anni a\anga Pathianni)Khuangpu : 1) Pu Lalrinsanga

2) Pu F. HmangaihsangaKeyboard : Tv. MalsawmdawngkimaHla Hriltu : Nl. Jenny V.L. DinpuiiDrummer : Tv. Joel NgurthansangaGuitar : Tv. T. Lalthankima

Bass : Pu LalnunsangaZING |AWNG|AI INKHAWM HRUAITU TURTE

Ni 28.12.2015 (Thawhtan) - Pi Ralliantawni Ni 29.12.2015 (Thawhleh) - Pu B. Savunga Ni 30.12.2015 (Nilai) - Pi B. Zaithanmawii Ni 31.12.2015 (Ninga) - Pi K. Vanlalhliapi Ni 01.01.2016 (Zirtawp) - Upa P.C. Pakunga Ni 02.01.2016 (Inrinni) - Pi Zaikungi Ni 03.01.2016 (Pathianni ) - Pu H. Tlangthanga

CONTROL ROOM DUTY TURTENi 28.12.2015 - 03.01.2016(Thawh\anni a\anga Pathianni)

1. Pu Thanseia 2. Pu Lalbiakzuala 3. Tv. LaltluanglianaKOHHRAN HMEICHHE INKHAWM PROGRAMMEHruaitu : Pi Khelziki|antu : Pi Zothansangi, Bial 11 ‘B

NAUPANG SUNDAY SCHOOLSunday School kai kim lawmman sem

TEENAGE NIGHT HMAN A NI

Ni 21.12.2015 (Thawh\an) zan khan Chanmari WestBranch Kristian |halai Pawl ruahmanna angin Teenage Night hlawhtling tak leh zawngchhang tlak tak hman a ni.He hunah hian Senior Department leh Sacrament Depart-ment Sunday School zirlai \hahnem tak an inkhawm thei

chu Branch Committe chuan lawmawm a ti hle. Nl. Mary Lalremruati, Branch Committe member-ininkhawm a kaihruai a, Saihmingliani Sailo, Senior Depart-ment leh YFC Band ten Pathian fakna hla thiam takin an saa, Tv. H. Lalchhuanmawia, Branch Treasurer hnen a\anginPathian thuchah ropui tak ngaihthlak a ni bawk. He hunahhian mi 257 zet an inkhawm thei a ni. Inkhawm zawngzawngte tan inkhawm banah thingpui leh a hmeh tui tak buatsaih a ni bawk.

Teenage Night Inkhawm thlalak

PATHIAN THU THO THOLPS Commedian search a\anga zoram mipui hriat hlawh

em em, “Kal mai teh” tih \awngkam hmanga min ti nui uarhuarh tu Pu Roluah-an Kelkang a\anga a lo let leh hnu in LPSCommedian search ah guest artist niin fiamthu a thawh a, chutahchuan “Pathianthu hi awih duh loh tum mah ula, in duh emawduhlo emaw, in awih tho tho dawn, meidila-ah pawh Pathianthu avang tho thoin in tla dawn.” tiin fiamthu a thawh a, angaithlatu mipui chu kan nui leh vak vak tho mai, mahse hanngaihtuah chian chuan, he thu hi a dik hlein ka hria. Leilung leha chhunga thil awm zawng zawng, van thengreng boruak zautak te, sik leh sa, fur leh \hal, engkim kan hmuh leh hriat te lehkan la hriatloh zawng zawng, awmlo ata awma din leh siamtukan Pathian ropui zia leh thuneih zia hi kan chhut ngai em le?“ A then pawh kan hre thei lo he lui kam a\ang hian” ti a hlasiamtun a lo sawi ang mai hi a ni.

He khawvel kan damchhung hun reilote hi thil \ha tih nanchauh hmang dawn pawh ni ila, kan thawh zawh sen dawn lohtehreng nen, Pathian duh loh zawng thil sual leh \ha lo tih nankan lo hmang \hen ve khanglang \hin hi chu a pawi \hin ngawtmai. Kan Pathian thuneihna ropuizia leh Pathianzia hi kan hrelo a ni. Kan thih hunah pawh kan duh reng vang ni loin, Pathianthu avang zawkin hremhmunah emaw vanramah emaw kankal dawn, kan kalna tur lam erawh he leia Pathian thu kanawih leh awihloh dan in a hril thui hle a, chuvangin a hmingaringtu mai ni lovin Pathian thuawih nih i tum ang u.“Pathian

chu Thlarau a ni; a chibai buktuten Thlarau leh tih tak zetin chibai an buk tur a ni.” (Johana 4:24)

ZAIPAWL HRIATTIRNAVawiin Chawhma inkhawm banah naktuk zan a rem

tur hlaennawn tur a ni a, K|P member zawng zawngtengaipawimawh a kim taka kal \heuh tura ngen leh hriattir

kan ni e.

THALAI ENTU - 27.12.2015

Documents

Transcript of THALAI ENTU - 27.12.2015